من غير مقدمات و لا كلام كتير...سؤال بسأله لنفسي كل ما أمشي في أي شارع فيكي يا مصر
متي تختفي هذه الصور..متي يمكنني السير في شارع نظيف ليس به أكياس زباله ملقاه علي قارعه الطريق..شارع لا يوجد به اثار لروث البهائم..لا يوجد به اثار بصق علي الارض
هو لهذه الدرجه صعب أننا نكون شعب نظيف...أنا كل ما أشوف مصري راجع من أي دوله عربيه بسأله أول حاجه هل رأيت مثل هذه الزباله هناك؟؟...قتكون الاجابه الدائمه بالنفي...يعني أنا كنت فاكر رمي الزباله ده عاده عربيه شأنها شأن الفوضي و الاهمال و لكن طلعنا احنا أصحاب الرياده في الزباله.....الواحد كان في نص هدومه يا جماعه أثناء قذف كيس زباله عندما كنت أجري مقابه مع أحد اللاجئين السودانيين و أحرجني تعليقه علي الموضوع و سؤاله أنتوا ليه كده؟...أمال لو شاف السوق الكبير اللي في 6 أكتوبر في الحي السابع و الثامن اللي الكل بيشتري منه الخضار و الفاكهه بالرغم من أن منطقه السوق كلها طين و أكوام زباله مرميه من أول السوق لاخره؟؟
بجد أنا الموضوع ده بقي السبب رقم 2 عندي ضمن مجموعه أسباب عاوز تسيب مصر ليه
المثير للدهشه بأن الشعب المصري معروف أن الدين هو أسهل وسيله تدخله بيها لقلبه و بعد كده عقله...طب ما هو النظافه من الايمان...يبقي ليه احنا كده؟؟
