بهدوء كده يا جماعه حفتح معاكوا الموضوع ده اللي ترددت كتيير في طرحه بسبب ملاحظتي علي ردود الافعال الانفعاليه عليه في بعض المواقع
السؤال منطقي و بسيط...ليه السعوديه الدوله الوحيده في العالم التي تمانع في وجود كنيسه أو أي دور عباده أخري علي أراضيها؟
كنت قرأت ردود قبل كده بتقول لان السعوديه لا يوجد بها مسيحيين من أصل البلد بمعني عدم وجود مواطن سعودي مسيحي..طب ما هو الكويت و الامارات و كل دول الخليج تقريبا لا يوجد بها مسيحيين من أهل البلد؟؟
فيه ناس تانيه بتقول أن السعوديه دوله دينيه زي الفاتيكان...طب إزاي نقارن الفاتيكان التي تبلغ مساحتها 0.44 كم و يبلغ تعداد سكانها 800 نسمه كلهم من الروم الكاثوليك بالسعوديه التي تبلغ مساحتها أكثر من 2 مليون كم و عدد سكانها سبع و عشرين مليون نسمه من ضمنهم أكثر من 5و نصف مليون عامل أجنبي علي إختلاف ديانتهم و معتقادتهم؟؟
و بعدين علي حد معرفتي أن الدين الاسلامي لا يأخذ أي موقف معادي من مسأله وجود الكنائس أو دور العباده و الدليل أن الخليفه عمر بن الخطاب أدي الصلاه في كنيسه القيامه...يبقي فيها إيه أن سفير الفاتيكان يطالب السعوديه ببناء كنيسه علي أراضيها؟؟و ليه يصل الامر الي القول بأن في هذا الامر مؤامره علي الاسلام و أن دي حتكون نهايه العائله المالكه في السعوديه لو تم الامر؟؟
أنا بطرح هذا الموضوع بحسن نية و أرجو أن محدش يكون زعل
skip to main |
skip to sidebar
