هند والدكتور نعمان

فاكريين المسلسل ده..بستمتع جدا بمشاهدته هذة الأيام علي قناة إيه أر تي حكايات زمان وبجد أدهشني مدي بساطة وعمق أفكار هذا المشلسل وقضاياه بأداء سلس جدا من العملاق كمال الشناوي والطفلة الجميله جدا في وقتها ليزا وبقية الفنانين دون أن يفرضوا علينا رقم ال30 حلقة المقدس حاليا فجاء المسلسل بسيطا خفيفا دون مط وتطويل بالإضافة إلي موسيقي تصويرية رائعه وكل ده رغم ضعف الامكانيات المادية وقتها مقارنة بما يتم صرفه حاليا
بجد هذه الفترة كان فيها مسلسلات جميلة جدا زي البخيل وأنا وذئاب الجبل وضمير أبلة حكمت و أجمل حاجه في وقتها أن المنتجين لم يكدسوا كل هذا المسلسلات لعرضها في شهر رمضان كما يحدث الان
يا تري ده حنين للماضي أم شهادة حق؟

حدوتة مصرية

قاعد في الأتوبيس و جنبي راجل باين عليه مظاهر الفقر المدقع لابس شبب مقطع صوابعه كلها طالعه منه بشكل مقزز
الراجل يخرج من جيبه موبايل بكاميرا حديثة و يسألني
ممكن تضبطلي النغمه ع الموبايل
رديت عليه و قلتله أصلي ماليش في حوار الموبايلات ده
الرجل يسألني مندهشا
إيه ده أنت إزاي مش معاك موبايل؟
رديت عليه
لإ..معايا بس نوع قديم و مش بحب أغيره و مش مهتم بالحاجات الجديدة اللي كل شوية تطلع في الموبايلات
الرجل يلعب بصوابع رجله بشكل مقزز ثم يسأل رجلا يجلس في المقعد الخلفي
معاك موبايل بقامرا؟