!!شريف جبريل رمز الصمود

فاكرين نهي رشدي بطلة قضية التحرش الأولي من نوعها اللي نجحت في استرداد حقها من السائق شريف جبريل وخذت عليه حكم 3 سنوات سجن وغرامة 5 الاف جنيه
المفاجأة اللي قلبت الموازين وغيرت الكثير من مشاعر التعاطف مع هذه الضحية أنها طلعت
اسرائيلية من مواليد يافا
بوووووووووووم
شفتوا أد إيه احنا بلد هايفة..دلوقتي أول القصيدة أن الست المحامية اللي دافعت عنها قالت أنها ندمانة ومش عارفة تنام وحتستئنف الحكم لصالح شريف
والله بكره تلاقوا شريف جبريل ده بقي أشهر من شريف خيري ويبقي شريف جبريل رمز الصمود وتطلع نهي رشدي اتحرشت به واغتصبته كمان في الطريق الزراعي
وأنا بقي من مكاني هنا بقول أنها حتبقي فضيحة لو حصل حاجة في الإستئناف وأنا معاكي يا نهي حتي لو كنتي اسرائيلية وملحدة وبتعبدي الأصنام وتبخريلها كل يوم
طززززززززززز
المهم أني عاجبني إنسانة تصرفت بإيجابية ودافعت عن حقها لغاية لما جيبتوا وده تصرف أغلبنا يفتقده سواء نساء أم رجال
وخلوا شريف جبريل ينفعكوا للي متعاطفين معاه

إفتتاح مدونتي الرياضية

شوفوا بقي ..حيث أني عندي حالة كبت لا ُيوصف بسبب موضوع الشغل وعدم مقدرتي في دخول المجال اللي بحبه وبفهم فيه،فقررت أفتتح مدونتي الجديدة عالم الرياضة اللي حكتب فيها في مجال الرياضة فقط وطبعا مكمل معاكم هنا برضه
اللينك أهو وحتلاقوه برضه في صفحة البروفايل بتاعي
http://michaelsportszone.blogspot.com/
الإفتتاح بموضوع جديد حيكون يوم 18 بإذن الله بعد مباراة الأهلي وأنيمبا
في الكام يوم دول حنزل مقالات تم نشرها لي في مجلة علي صوتك الإلكترونية ويا رب تنال إعجابكم
وده لينك المجلة الشهرية اللي بكتب فيها برضه
www.3allisotak.net
يا ريت كلكم تشاركوا معايا وكل واحد عنده راي يقوله وأكيد حيكون مفيد ليا

غوووووووور في داهية

الخلطة السرية

واسطة محترمة+بلطجة+نفاق إجتماعي+فهلوة+حظ=نجاح في مصر
طب تعمل إيه لو معندكش أي عنصر منهم؟؟