خمسة بردعة

يؤسفني أن أقطع الإحتفالات العربية الميمونة بحادث الجزمة التي سادت من المحيط للخليج إحتفالا بالنصر المبين علي الإمبراطورية الإمريكية وهزيمتها في العراق ونهاية الصهيونية في فلسطين وأن أقدم لكم باكورة إنتاجي:

شركة جحش فون تقدم لكم ألبون جدييييييد...خمسة بردعة داخل المنافسة وخارج بسرعة
:)
ملحوظة:الأغنية الأخيرة مكتوبة بالحبر السري وفي ذلك حكمة
الالبون فيه 6 أغاني:أغنية أواخر الشتا لإليسا عن قصة الشباب اللي بيضرب جوين ويطلع يعاكس البنات وايه اللي حصله بعد ما الجوين اللي في الحارة اتلم
أغنية ابن الجيران لنوسة عجرم عن ابن الجيران البلطجي اللي بيعاكس جارته ويتحرش بها مهددا الجميع بماء النار
أغنية راحت فطيرتي(حبيبتي) لشعر الصدر حسين_تامورا سابقا عن شاب اشتري فطيرة وراحت منه فظل يبكيها أمام شماته جيرانه
أغنية حرقة دم لشعر الصدر برضه عن شاب بخيل رافض يصرف مليم علي خطيبته وطمعان كمان في فلوسها
أغنية يا مجنون لست اصالة عن قصة لزوج يعاني من مراهقة متأخرة بسبب مشاهدته للكليبات الجديدة مما جعله يهجر زوجته
أوبريت اخترناك للي بالي بالك للإشادة بإنجازات العصر

الأول:
أواخر الشتا
كنا في اواخر الشتا قبل اللي فات
ماشيين سوا شلة بنعاكس بنات
وأنا كنت لما بحب أعمل دماغ
أنا كنت بضرب في الجوين ده بالذات
وصحابي يشدوا الجوين برضه يستمخوا
والناس تشوفنا تروح تقولوا ما تستحموا
ولحد لما الليل نبقي شلة
نفضل في عز البرد بنعاكس بنات
علي سهوة جه البوكس ليه كده في حارتنا
وشوفنا ليالي سودا عذبتنا
والدنيا من يوميها يا قلبي بهدلتنا
لما بتديك مزاجك وتأخذ دماغك
وسط الشوارع ناس كتيرة مهيسيين
والناس يا قلبي كلهم حشاشيين
وأنا عاطل يانا ومعايا الدبلوم
بيعمل ايه دلوقتي غير جوين كل يوم
وصحابي يشدوا الجوين برضه يستمخوا
والناس تشوفنا تروح تقولوا ما تستحموا
ولحد لما الليل نبقي شلةنفضل في عز البرد بنعاكس بنات
علي سهوة جه البوكس ليه كده في حارتنا
وشوفنا ليالي سودا عذبتنا
والدنيا من يوميها يا قلبي بهدلتنا
لما بتديك مزاجك وتأخذ دماغك

الثاني:
إبن الجيران
إبن الجيران اللي هنا قصادي..مش عارفة بس أعمله أنا إيه
عمال ينكت كده ويضايق وفي اي حتة يا ناس بلاقيه
اكمنه شايل مية النار حيشوي جسمي وده مش هزار
كان بس ماله ومالي..اطرني لييييييه
علي طول يا بابا يا بابا خانق عليا عليا..
يا اما في المرايا شاغلني.
.حول عينيا عينيا
ومفيش يا عيني يا عيني شبشب بإيديا إيديا
غير اني أسبه وألعن في أهله وأعمله اييه اييه
علشان قرفت بعاني ليلي ونهاري نهاري
والذوق يا قلبي يا قلبي بيزيد هزاره هزاره
ما أنا عارفه أنه هاريني وأنا فاض مراري مراري
يا أنا من غباوته..يا أنا من تفاهته..يا أنا من إيديييه
يا ناس قولوا بطل هزار..بطل معاكسة يا ابن الحمار
يا ناس قولوا بطل هزار..بطل معاكسة يا ابن الحمار
كان بس ماله ومالي..اطرني لييييييه
علي طول يا بابا يا بابا خانق عليا عليا..
يا اما في المرايا شاغلني..حول عينيا عينيا
ومفيش يا عيني يا عيني شبشب بإيديا إيديا
غير اني أسبه وألعن في أهله وأعمله اييه اييه
علشان قرفت بعاني ليلي ونهاري نهاري
والذوق يا قلبي يا قلبي بيزيد هزاره هزاره
ما أنا عارفه أنه هاريني وأنا فاض مراري مراري
يا أنا من غباوته..يا أنا من تفاهته..يا أنا من إيدييييه

الثالث:
راحت فطيريتي
راحت فطيرتي مني ..راحت من عين جيراني
راحت فطيرتي مني ..راحت من عين جيراني
أبكي غصب عني من جوعي اه ياني
يعني أكل إيه..يعني أكل إيه..يعني أكل إيه..يعني أكل إييييييه
أشوفلي أكل تاني
يا حيلتها يا حيلتها قاعد زي خيبتها يا حيلتها يا حيلتها قاعد زي خيبتها
ما تشوف محل تاني
حعزي كل واحد فطيرته ضايعة منه..
وأقوله جوعنا واحد..بدنا مهري منه.
حعزي كل واحد فطيرته ضايعة منه..
وأقوله جوعنا واحد..بدنا مهري منه
فحط قرفي في قرفك..ده الفصل اللي حصلك هو اللي حصلي
وحنأكل إيه.. وحنأكل إيه.. وحنأكل إيه.. وحنأكل إيييييه
نشوف محل تاني
وحنأكل إيه.. وحنأكل إيه..وحنأكل إييييييييييه

الرابع:
حرقة دم
أدفعلك يعني حرقة دم..اتلمي خلي عندك دم..
أدفعلك لا تاني لا..فلوسي انا عندي أهم
أدفعلك يعني حرقة دم..اتلمي خلي عندك دم.
.أدفعلك لا تاني لا..فلوسي انا عندي أهم..
أنا عندي أهم أنا عندي أهم
شافطة جيبي من زمان لما خلاص جبتيلي جنان
شافطة جيبي من زمان لما خلاص جبتيلي جنان
فساتين ألوان..ريحة برفان..خسارة فيكي اللب
أدفعلك يعني حرقة دم..اتلمي خلي عندك دم..
أدفعلك لا تاني لا..فلوسي انا عندي أهم..
..أنا عندي أهم أنا عندي أهم
أنا من قلبي بتمنالك أشغلك كل مالك
أنا من قلبي بتمنالك أشغلك كل مالك
بكره تبوري مكانك وتلاقي أبخل مني
لكن أدفعلك يعني حرقة دم..اتلمي خلي عندك دم..
أدفعلك لا تاني لا..فلوسي انا عندي أهم..أنا عندي أهم

الخامس:
يا مجنون
يا مجنون مش أنا ليلي..ولا نانسي ولا هايفا
عاوزني بس أكونلك إيه..حتعرف قيمتي وأنا غايبة
يا مجنوووووووووون
يا مجنون مش أنا ليلي..ولا نانسي ولا هايفا
يا مجنون مش أنا ليلي..ولا نانسي ولا هايفا
عاوزني بس أكونلك إيه..حتعرف قيمتي وأنا غايبة
يا مجنوووووووووون
أعمل إيه في العما..مش طايقني بالليل
أعمل إيه في العما..مش طايقني بالليل
يا راجل لسه فيك الحيل.. لسه فيك الحيل
يا مجنوووووووووون
نانسي إيه دي قنبلة..جوزي ده عقله طار
نانسي إيه دي قنبلة..جوزي ده عقله طار
ناسي أن ولاده كبار أيوه ولاده كبار
يا مجنوووووووووون
يا مجنون مش أنا ليلي..ولا نانسي ولا هايفا
عاوزني بس أكونلك إيه..حتعرف قيمتي وأنا غايبة
يا مجنوووووووووون

السادس:اخترناه
اخترناه اخترناه..يوم ما نهب خيرنا وياه
اخترناه اخترناه من أول خطبة سمعناه
اخترناه اخترناه من أول سرقة فهمناه
اخترناه اخترناه..وادينا شفنا الفقر معاه
وده تورييث مش تزييف بكره ندق الطبلة وراه
هم كبير حمله تقيل جاي يذل في جيل وراه
اخترناه اخترناه زوروا اللجنة وقولنا الاه
اخترناه اخترناه قالوا رأينا وقلنا اه
اخترناه اخترناه..في مشروع توشكي وجربناه
اخترناه اخترناه..خرب بيتنا وصدقناه
وده توريث مش تزييف بكره ندق الطبلة وراه
مص بلدنا وهد بيوتنا وشوفنا خلاص الويل وياه..وإحنا معاه لما شاء الله
لا حينفيني ولا يخفيني ولا فيه مصلحة بيني وبينه الا السجن وقمل الدولة..وبقولها وعوضي علي الله
علشان كده احنا اخترناهع
هده بطالة وكله دعارة وأهي كملت بالعبارة..داس القاضي علينا بالجزمة وقالوا براءة يا خلق الله
علشان كده احنا اخترناه
قلنا وقالوا زود ماله..ما هي عزبة أبوه سايبهاله..وأما يحابي يقوم يتغابي ويجيب عز وزير وياه
علشان كده احنا اخترناه
أول مرة يا مصر يا حرة تدوقي طعم العيشة المرة بعد ما خرب وقالوا بيعمر.كرهنا طعم العيشة معاه
علشان كده احنا اخترناه
وفي لقاءته في سفرياته يطلع يشحت ويقول هاتوا..ركب الكل علينا ودلدل وما عاد لينا كرامة وياه
علشان كده احنا اخترناه
حزبه وقاحة وكله بجاحه باعوا بلدنا بالراحة..ومش حنقول علي مشاكلنا ما احنا عرفنا البير وغطاه
علشان كده احنا اخترناه
اخترناه اخترناه زوروا اللجنة وقولنا الاه
اخترناه اخترناه قالوا رأينا وقلنا اه
اخترناه اخترناه..في مشروع توشكي وجربناه
اخترناه اخترناه..خرب بيتنا وصدقناه
عامل أزمة وجوع غزة وفهمنا أنه فتح عكا..لما تلاقي حريقة في السكة..تعرف أنه غضب الله
علشان كده احنا اخترناه
بدأوا السرقة وقسموا الكحكة مبقاش فاضل الا الفكة..وحنتبهدل لما نكمل المستقبل واحنا معاه
علشان كده احنا اخترناه
غزل محلة حبس عمالها ويا ريتها فضلت علي حالها..لما ولادها قاموا وقالوا ده احنا كسرنا الُقلة وراه
علشان كده احنا اخترناه
ادي حريقة وادي دويقة وسحابة لوثت البيئة..لما زهقنا بعدنا هدومنا وبقينا أفقر خلق الله
علشان كده احنا اخترناه
اخترناه اخترناه..يوم ما نهب خيرنا وياه
اخترناه اخترناه من أول خطبة سمعناه
اخترناه اخترناه من أول سرقة فهمناه
اخترناه اخترناه..وادينا شفنا الفقر معاه
وده تورييث مش تزييف بكره ندق الطبلة وراه
هم كبير حمله تقيل جاي يذل في جيل وراه