(هدية العيد..غني يا عميد..(الألبون التاسع

بوووم..بوووووووووم
العيد فرحة وأجمل فرحة...سعد نبيهة(اللي حير جيل بحاله) بيحييكوا من شركة جحش فون للإفتكاسات الفنية ويسرنا أن نقدم لكم الألبون التاسع:هدية العيد..غني يا عميد
وذلك بعد نجاح اخر ألبوناتنا اللوزعية:العيال كبرت
http://strugglingmichealitoo.blogspot.com/2009/08/blog-post_16.html
المرة دي معانا وجوه جديدة حتعيد عليكوا زي مصطفي قمر وظريفة وصابرين بأغنية أنا الفرخة واحنا الكتاكيت ويعود معنا عم كاظم واتش عباس بالإضافة لمفاجأة الدويتو الجديد من نوعه بين عمرو دياب وهاريسا فقط وحصريا عندنا في الأغنية الخامسة والسادسة
زي ما أنتوا عارفين كل واحد حيختار أكتر أغنية وكوبليه عجبتها/عجبته..اتفضلوا معانا

الأولي:ناري نارين لإتش عباس والمطربة الهندية الجميلة جايا بومباي اللي كلامها حيكون باللون الأزرق
تحكي الأغنية عن قصة واقعية لزوجة تعرضت لشتى أنواع القهر من جوزها لحد ما في النهاية قتلته بالسم وخلصت منه ودلوقتي هي واقفة قدام المحكمة وهيئة القضاء بترد عليها وتقول حقيقي ده..احم احم

ناري نارين
ناري نارين..ناري من غبائه
ناري نارين .جوزي جن جنانه
بالمطوة لطشني في لحظة قاصد العمي
حقيقي ده؟
قال إيه فاكرني بخونه وسايقة في العوج
حقيقي ده؟
سميته وأعمل إيه
حقيقي ده؟
تاري ولازم أنهيه
حقيقي ده؟
اه من وعوده السودا وبوزه ولويته
حقيقي ده؟
كهربت منه عرفت ظلمه وقسوته
حقيقي ده؟
قتلته ولازم أنهاااار
حقيقي ده؟
جوزي ده أصله حماااار
حقيقي ده؟
ناري نارين
ذللي في إبني حتي قبل ما علمه
حقيقي ده؟
ما هو كان في باله وفي خياله يبهدله
حقيقي ده؟
الليلة خسر في القمااااار
حقيقي ده؟
رايح يلعبلي بالدولاااااار
حقيقي ده؟
ناري نارين
ناري نارين..ناري من غبائه
ناري نارين..جوزي جن جنانه
حقيقي ده؟.. حقيقي ده؟
بالمطوة لطشني في لحظة قاصد العمي
حقيقي ده؟
قال إيه فاكرني بخونه وسايقة في العوج
حقيقي ده؟
بالجزمة بيقدر يضرب مش عاملاله فول
حقيقي ده؟
ده حدفني بطوبة ضربني بشومة يا جنانه
حقيقي ده؟
ذللي في إبني قبل ما علمه
حقيقي ده؟
ما هو كان في باله وفي خياله يبهدله
حقيقي ده؟
ناري نارين..ناري من غبائه
ناري نارين..جوزي جن جنانه

الثانية:كونياك(وياه) للهضبة عمرودياب وبتحكي عن حكاية شاب مقضيها شرب ومش سأل في حد وهو بيعبر هنا عن وجهة نظره

أيوة أنا شاب سيس..لو تيجي فرصة..لازم حهيص
فرحة عمري أضيعها ليه..مش معقول
مهما يقولوا ليه..ده أنا خرمان..دايما يا بيه
جه اليوم اللي أنا مستنيه..عشان أقووووووووول
كونياك..الحياة حتحلى وأنا معاك..لسه برضه أنا جبت بلاك
ده اللي إيدي طايلاه
حشاش..أنه أغلى..وأحلى مزاج
خلى عقلي انكفى وخلاص..احنا بقي لغيناه
أيوة حجيب نبيت..ما هو بقي أصلي ومش غريب
لحسة عقلي ف وقت بيض..مستنيه
يلا أهو جه المزاج..كده بقي قشطة بيس يا مان
لازم أفوقله أنا بالتمام..مش مسطووووووووول
كونياك..الحياة حتحلى وأنا معاك..لسه برضه أنا جبت بلاك
ده اللي إيدي طايلاه
حشاش..أنه أغلى..وأحلى مزاج
خلى عقلي انكفى وخلاص..احنا بقي لغيناه

الثالثة: أنا الفرخة واحنا الخنازير(أنا الفرخة واحنا الكتاكيت) من أجمل أغاني الطفولة لصابرين
ولكن المرة دي الأغنية بتعبر عن مدى إستعداد المسئولين في مصر لمواجهة وباء انقلونزا الخنزرة الجديد ومعاه الفراخ عشان محدش يزعل

كاك كاك..أصيوي صيوي صيوي
أنا الفرخة واحنا الخنازير..أنا الفرخة واحنا الخنازير
أصلكوا إيه..أصلنا عيانيين
لعبكوا فين..ف البني ادميين
كاك كاك..أصيوي صيوي صيوي
مين فيكم أشطر مسئول..اللي حيجري ويقول شوف
شوف شوف..أنا المسئول
تسمع ليا ف كل بيوت..وأكل ودن الناس بوعود
تعرف تكدب؟؟
أكدب وأفلت
تعرف تهرب؟؟
أعرف أفوت..وادي الناس بالشلوت
سقفولوا سقفولوا..هيه هيه هيه هيه
ضبطوه ف اليوم بطوله..هيه هيه هيه هيه
غنوا للمسئول وقولوله..نقوله إيه؟؟
يا غباوتك يا تفهاتك..رب يخليك يا فخامتك
كاك كاك..أصيوي صيوي صيوي
أنا الفرخة واحنا الخنازير..أنا الفرخة واحنا الخنازير
أصلكوا إيه..أصلنا عيانيين
لعبكوا فين..ف البني ادميين
مين فيكم أشطر مسئول..اللي حيجري ويقول شوف
شوف شوف..أنا المسئول
تسمع ليا ف كل بيوت..وأكل ودن الناس بوعود
تعرف تنجز؟؟
أنجز طبعا
تعرف تكدب؟؟
أكدب وأفلت.. ولا في حسابي أنا والوزرا
وأما تلاقي البلوة تجيلنا؟؟
برميها ع الناس الفقرا
سقفولوا سقفولوا..هيه هيه هيه هيه
ضبطوه ف اليوم بطوله..هيه هيه هيه هيه
غنوا للمسئول وقولوله..نقوله إيه؟؟
يا غباوتك يا تفهاتك..رب يخليك يا فخامتك
كاك كاك..أصيوي صيوي صيوي
أنا الفرخة واحنا الخنازير..أنا الفرخة واحنا الخنازير
أصلكوا إيه..أصلنا عيانيين
لعبكوا فين..ف البني ادميين

الرابعة:منايا لمصطفي قمر
وبتحكي عن قصة زوجة مطحونة قررت تعمل عمليات شفط عشان تعجب جوزها زي زمان ولكن العملية باظت وكانت دي النتيجة

منايا يا حبيبي تحس شقايا..شقايا
ويا ريتك تعرف إيه اللي عيايا..عيايا
ده ريجيم ..وده شفط..دهون
جوزي يجري مني
ومفيش..إحساس..بالذوق
ضغطي يعلي مني
حبيبي أنا عارفة أن أنا رغاية..رغاية
من كتر الرغي تعبت كفاية..كفاية
ده ريجيم ..وده شفط..دهون
جوزي يجري مني
ومفيش..إحساس..بالذوق
ضغطي يعلي مني
عيالي جابتلي الضغط يا غالي..ياغالي
ويا ريتك عارف إيه اللي جرالي..جرالي
ده ريجيم..وده شفط..دهون
جوزي يجري مني
ومفيش..إحساس..بالذوق
ضغطي يعلي مني

الخامسة:لو تعرفوه للمطربة الجميلة هاريسا
وبتحكي فيها زوجة قررت تأجير بلطجية لجوزها اللي سابها وبطل يصرف عليها فحنشوف حتقولهم إيه

لو تعرفوه لو يوم يقابلكوا ابطحوه..ليه الأوهام يأخدوه
لو تعرفوه لو يوم شفتوه خرشموه..ننوس عين قلب أبوه
وعوروه..سابني وبستناه
وكمان بقى عرفوه..مين ساب حبيبه صاع
وابقوا اسرقوه..ازيه وازاي ماله..في حاله أو مش في حاله
مبقاش زبالة ولمامة..غير لما أقوله اتفوه
وعوروه..سابني وبستناه
وكمان بقى عرفوه..مين ساب حبيبه صاع
لو تعرفوه لو كان في بينكم خناق..حد يقدرني عليه
لو تعرفوه قولوه ببعتله السلام..بعينيك يا سعادة البيه
وعوروه..سابني وبستناه
وكمان بقى عرفوه..مين ساب حبيبه صاع
وابقوا اسرقوه..ازيه وازاي ماله..في حاله أو مش في حاله
مبقاش زبالة ولمامة..غير لما أقوله اتفوه
وعوروه..سابني وبستناه
وكمان بقى عرفوه..مين ساب حبيبه صاع

السادسة:عوروني(عودوني) لعمرو دياب
وهنا الزوج فعلا بينضرب العلقة السخنة وبيروح القسم يشتكي للضابط..وطبعا متروك لتقديركم مين فيهم الضحية..هع هع

خدت علقة جامدة منك موت
مش كلام وأغاني..اه حموت م الخووووف
عوروني عوروني..يا بيه بكزلك عوروني
عوروني وشرحوني تمام
ذنب واحد اللي حاسس بيه
هو سجن مراتي اللي عايش فيييييه
عوروني عوروني..يا بيه بكزلك عوروني
عوروني وشرحوني تماااااااااام
مش براحتي لما أجيبلك فول
غصب عني جيوبي عودتني أجووووووع
عوروني عوروني يا بيه بكزلك عوروني
عوروني وشرحوني تمااااااااام
عوروني عوروني يا بيه بكزلك عوروني

السابعة:علمني ظلمك (علمني حبك) من روائع القيصر كاظم الساهر
وبتحكي عن راجل قفا كان متجوز واحدة تصرف عليه وبس ولما طلقته وبقى في الشارع تغير مساره إلي:

علمني ظلمك.. أن أنسي..وأنا قاعد..كالمذبول
لإمرأة تجعلني أنسي
لإمرأة أجري..خلف ما لديها..مثل الدلدول
علمني علمني علمني ظلمك
أن أنسي..وأنا قاعد..كالمذبول
لإمرأة تجعلني أنسي
لإمرأة أجري..خلف ما لديها..مثل الدلدول
لإمرأة تصرف شيكاتي..وأنا قاعد دوما طرطور
علمني ظلمك سيدتي شرب الحانات
علمني أطلع في جناني..ف الليلة الاف المرات
وأجرب شغل الدجالين..وأرقص دوما بالصالات
علمني..أخرج من بيتي متحدي الاف اللجنات
وأطارد قبحك بإستنفار..وفي ضوضاء الميكروبسات
وألملم ما لديكي ملالييم الحفلات
يا إمرأة بوظت الدنيا..يا قرفي..يا قرف الستات
أدخلني ظلمك معذبتي..درب الجنان
وأنا من قبلك لم أدخل..درب الجنان
لم أعرف أبدا..أن الفقر هو الحرمان
أن الإنسان بلا سكن..قاعد عريان
أن الإنسان بلا سكن..قاعد عريااااااان
علمني ظلمك أن أتصرف..كالجديان
أن أمسح وجهكي بالمسحوق علي الحيطان
يا إمرأة هدمت تاريخي
أني مخدوع فيكي..إلي الهذيان..إلي الهذيان
علمني ظلمك..كيف الحب..يشبه..مصيدة الفئران
علمني أني حين أحب..تتف الزوجة علي الغلبان
علمني ظلمك أشياء..ما كانت أبدا في الحسبان
فسلكت ألاعيب الأطفال..سرحت بترمس جوه ميدان
وهربت بتربة محشية..كام كيلو مزاج
تلك تجارتها أضمن..في هذه الأيام
تلك مكسبها أسرع..بسبب الدخان
وقعدت بجوزة أشربها..وأنا كده تمام
وأنا كده تمام
وحلمت بأني أخفيها..قوات الأمن جت في الحال
علمني ظلمك..يا معذبتي..ما التوهان
علمني كيف أذوق المر
ولا تجدي..ما العيشة جنان
ولا تجدي..ما العيشة جنااااااان
أدخلني ظلمك معذبتي..درب الجنان
وأنا من قبلك لم أدخل..درب الجنان
لم أعرف أبدا..أن الفقر هو الحرمان
أن الإنسان بلا سكن..قاعد عريان
أن الإنسان بلا سكن..قاعد عريااااااان

الثامنة:كتير بنشحت(كتير بنعشق) لشيرين
وبتحكي عن حال أسرة مصرية محدودة الدخل في العهد الميمون

كتير بنشحت ولا بنجوع
وكتير بنشحت ولا بنقول
وما فيش حكاية بتستمر..زي ما بدأت ناكل فول
كتير بنشحت ولا بنجوع
وكتير بنشحت ولا بنقول
وما فيش حكاية بتستمر..زي ما بدأت ناكل فول
في فقر بيستنانا..وفقر بنستناه
وفقر بيمسح بينا..الُغلب اللي عايشناه
الظلم اللي بيسحلنا..فيه حاجة أكيد سانداه
وخيبتنا بتفكرنا..بالراجل اللي اخترناه
كتير بنشحت ولا بنجوع
وكتير بنشحت ولا بنقول
وما فيش حكاية بتستمر..زي ما بدأت ناكل فول

التاسعة:أوصفهالك لنجم الجير تيموز ودي بعتبرها أفضل أغانيه
وبتحكي عن واحد جوزوه قريبته اللي كانت بتحب واحد تاني، فلما الزوج شاف الراجل ده وصفله الحالة وبينله قد إيه هو فلت بحظه منها(عن نكتة واقعية)

بتقولي أوصفهالك..أوصفلك
تخينة..عبييييطة..زي الثور بتتدحرج
الريحة الوحشششششة تقووووووم من النوم.. تقلب بطنك
بتقولي أوصفهالك..أوصفلك
تخينة..عبيطة..زي الثور بتتدحرج
الريحة..الوحشة تقوم من النوم تقلب بطنك
خصوصا..غباها.. ده حمار بيمشي وينهق
وتقولي أوصفهالك..أوصفلك
عارف..عارف شوفت في حبها إيه..عارف
لما عميت طبعا في عينيا..ذلها ليا..ضربها فيا
عارف..عارف شوفت في حبها إيه..عارف
لما سابتني في ليلة رمتني لقتني ببوس في إيديها
لما تشوف العيش والجبنة وريحة الثوم في إيديها
يا ريت بيتك..مكان بيتي..يا ريت أهلك..مكان أهلي
بس النصيب ومخبي أكون بدلك قريب ليها..وعارف
لما تكون طهقان من الدنيا والعصمة في إيديها
لما تكون زهقان مستني تشرب من بلاويها
لما تحس أنك متألم وأنت تحت إيديها
وتقولي أوصفهالك..أوصفلك
تخينة..عبيطة..زي الثور بتتدحرج
الريحة..الوحشة تقوم من النوم تقلب بطنك
خصوصا..غباها.. ده حمار بيمشي وينهق
وتقولي أوصفهالك.. أوصفلك

العاشرة:أوعي تغيب(أوعي تغير) للفنانة الجميلة ظريفة واللي بعتبرها من أجمل أغاني التسعينات وده لينك للتذكرة
http://new.mawaly.com/music/Latifa/track/18181
والأغنية بتحكي عن نموذج الست السلبية بالمجتمعات الشرقية..يعني حنشوف أمينة بتقول إيه لسي السيد

لايلا لايلا لايلا لايلا لايلا لايلا
أرجوك أوعي تغيب..لحسن عندي غسيل
اه يا غلبي معاك..راح أجيبلك برسيل
أيوة أنا عندي غسيل..أصل هدومه كتير
بعد ده كله معاك وتقولي أنتي غفيييييير
ده أنا ده أنا ده أنا..عندي غسيييل غسيييل
لايلا لايلا لايلا لايلا لايلا لايلا
متسيبش البوتجاز..كده مفتوح يا جوزي
دي أنبوبة الغاز..شغالة يا عيوني
الناس بتقول أجري..لكن أنت دايما بعلي
وبخبزلك في فطيربرضه ورايا غسيل
ده أنا ده أنا ده أنا..عندي غسيييل غسيييل
لايلا لايلا لايلا لايلا لايلا لايلا
دلعني وخلاص..ده أنا بخلص في شقايا
اه يا راجل بصباص..هو أنا إيه رغاية؟
الناس بتقول أجري..لكن أنت دايما بعلي
وبخبزلك في فطير برضه ورايا غسيل
ده أنا ده أنا ده أنا..عندي غسيييل غسيييل
أرجوك أوعي تغيب..لحسن عندي غسيل
اه يا غلبي معاك..راح أجيبلك برسيل
أيوة أنا عندي غسيل..أصل هدومه كتير
بعد ده كله معاك وتقولي أنتي غفيييييير
ده أنا ده أنا ده أنا ..عندي غسيييل غسيييل

إلي اللقاء في البوست القادم مع حلقة جديدة من مغامراتي في إنترفيوهاتي:
قمة التناكة في إنترفيو الخناقة