من فترة سمعت أن إلهام شاهين بتصور فيلم اسمه واحد صفر بيحكي عن مشاكل وأزمات الطلاق عند المسيحيين وأن إزاي الموضوع ممكن يسبب معاناة لناس كتير في المحاكم وموقف الكنسية..الخ
المهم أني امبارح ومن غير ما أعرف اي حاجة لسه بقول لصديقي نحنوت صاحب مدونة رئيس جمهورية نفسي
خد الخبر الحصري ده..محاميين أقباط يطالبون بمنع عرض الفيلم لإساءاته للدين المسيحي وبعد عرض الفيلم المسيحيين حيروحوا يتظاهروا في الكاتدرائية وبعضهم حيهدد بالإعتصام
سبحان الله..لم تمر 24 ساعة إلا وأنا بقرأ فعلا الجزء الأول من الخبر وهو قيام 10 محاميين أقباط برفع قضية علي الفيلم بالممثلين بالسيناريست بالمخرج بسلاطاته ببابا غنوجه
طب أقول لكم خبر ثاني حصري:بعد أول يومين من عرض الفيلم،سيقوم المحامي الهمام صاحب مكتب البتنجان نبيه الوحش برفع قضية علي الفيلم ويتهمه بإحداث الفتنة الطائفية والاساءة لسمعة مصر وبعد شويه حينضملوا كام محامي مسلم لزوم الوحدة الوطنية
تووووووب علينا بقي
skip to main |
skip to sidebar
