إلطمي يا إنشراح

بووووووووم...يسر شركة جحش فون للتهييسات والإفتكاسات أن تقدم لكم الألبون الثالث"إلطمي يا إنشراح"(والمعني في كرش الشاعر)،وذلك بناء علي رغبة الجماهير بعد نجاح الالبون الأول خمسة بردعة
http://strugglingmichealitoo.blogspot.com/2008/12/blog-post_15.html
والالبون التاني هزي يا نواعم
http://strugglingmichealitoo.blogspot.com/2009/01/blog-post_25.html
ويسر شركة جحش فون أن تهدي هذا الالبون للزميل العزيز كيمو اللي عيد ميلاده النهارده ونقوله هابي بيزي تو يو وارجع بقي يا عم من دبي وحنعملك أوبريت كامل وتييييييييت يا اللي ما أنتيش غرمانة
الألبون المرة دي 9 أغاني فيهم رياضة وسياسة(يا منجي من المهالك) و إفتكاسات ومعاكسات ومزودناش السعر زي ناس..يلا بقي ورونا الُنقطة وكل واحد يقولي ايه أكتر أغنية عجبته ولو متابع الالبونات اللي فاتت يا ريت يقولي ايه الافضل بشكل عام..بفنوووسي بقي

الأولي:شفتي وصلتي بيا لفين ليوري مرقدي..وبتحكي عن رجل تزوج بإمرأة متسلطة علي طول بتبص لصاحبتها إنجي وزوجها الثري اللي عمال يجيبلها في هدايا ويفسحها..فكانت النتيجة أن صاحبا سرق عشان يرضي مراته فدخل السجن ،راحت الهانم سايباه ورمت العيال لأمه وطفشت

شفتي وصلتي بيا لفين..غصب عني سرقت اتنين
شفتي وصلتي بيا لفين..غصب عني سرقت اتنين
وأنتي سيبتي ولادك ليه..أيوة سيبتي ولادك ليه ..هيا أمي ذنبها إيه ذنبها إيه
شوفتيلي جوز إنجي قولتيلي أني كيس جوافه..عاوزاني يعني أجيبلك كلب كنيش
شوفتيلي جوز إنجي قولتيلي أني كيس جوافه..عاوزاني يعني أجيبلك كلب كنيش
دولابك أكبر من دولابها..أعمل ايه دلوقتي معاكي.. عاوز أعيش مش طالبة بوليس مش طالبة بوليس
مين يجيب برفان لمين انا إنسان غلبان حزين..شفتي وصلتي بيا لفين
سبت مشاغلي كتير محتاجة لوقت ضاع كله معاكي.. أنا ما صرفتش أبدا حاجة اللي عشان كله رضاكي
ست مفيش اتنين في جنانها ولا حتلاقي كده في زمنها غلطة ودفعت أمي تمنها..ابنها ضايع ..مراتي يا صايعة
مين يجيب برفان لمين أنا إنسان غلبان حزين..شفتي وصلتي بيا لفين
شوفتيلي جوز إنجي قولتيلي أني كيس جوافه..عاوزاني يعني أجيبلك كلب كنيش
شوفتيلي جوز إنجي قولتيلي أني كيس جوافه..عاوزاني يعني أجيبلك كلب كنيش

الثانية:مين حبيب كاكا(بابا) ودي حيفهمها الناس اللي دايسين في الكورة بس مفيش مانع ندي نبذة..كاكا لاعب ميلان جالوا عرض بمبلغ أكتر من 100 مليون جنيه إسترليني لإنتقال لمان سيتي ولكنه رفض حبا في الميلان ووفاء للجمهور والكلام ليكي يا جارة والله يمسيك بالخير يا اللي في بالي..المهم كاكا رفض في الوقت اللي مسئولي ناديه فيه وافقوا رغم أنه سبق وكرر الموقف ورفض ملايين كالديرون رئيس ريال مدريد علما بأن كاكا هو السبب في البطولات الأخيرة اللي جابها النادي وهو اللي شايل الفرقة تقريبا رغم كل اخطاء مدربه انشي

كاكا يا كاكا يا كاكا يا كاكا
كاكا يا كاكا يا كاكا
يا كاكاكاكا كاكا
كاكا إيه كاكا كاكا كاكا إيه
مين حبيب كاكا..ميلان.. مين روح كاكا..ميلان
علشان خاطر مين كاكا يرفض يلعب مان سيتي
مين حبيب كاكا..ميلان..مين روح كاكا..ميلان
علشان خاطر مين كاكا يرفض يلعب مان سيتي
مين اللي شايل فرقه بحالها دي يا بني ادمين ميين ..مين اللي ساب العز عشان تشوفوا الدوري مين ميين
مين اللي بيديك لعب..كاكا ..مين خلي مورينيو اترعب..كاكا كاكا كاكا كاكا إيه
الكيكة ليه ما تأكل حقه وحقه يا ناس مهضوم..مين اللي رفض غيره كل فلوسك كالديرون
مين اللي بينفذ..كاكا..مين اللي بيسجل..كاكا ..مين اللي جاب الويفا الصعبة دي لحدك هنا
مين اللي بقي إبنك..مين اللي بيعزك ولما يغلط أنشي..مين اللي بينقذ ميلان
مين اللي شايل فرقه بحالها دي يا بني ادمين ميين ..مين اللي ساب العز عشان تشوفوا الدوري مين ميين
مين اللي بيديك لعب..كاكا مين خلي مورينيو اترعب..كاكا كاكا كاكا كاكا إيه
مين حبيب كاكا..ميلان..مين روح كاكا..ميلان علشان خاطر مين كاكا يرفض يلعب مان سيتي مين حبيب كاكا..ميلان..مين روح كاكا..ميلان علشان خاطر مين كاكا يرفض يلعب مان سيتي
كاكا كاكا كاكا إيه
كاكا

الثالثة:أحزاب وبنشوفها(ايام وبنعيشها) عن الواقع السياسي للبلد وكل واحد حر في المعني اللي حيفهمه بيها

أحزاب وبنشوفها حتعمل ايه يا وثني معاك..مفيش أخلاق مفيش إحساس واهم كابسين علي روحنا
دي خيبتنا حنشوفها طول ما قبلنا نبقي ضعاف وساعة الجد نبقي فراخ يا ريت نقرص علي روحنا
وعلي ايه دي عصابة مسكت من بدري والله مسكت من بدري والفقر حسيت بيه
وعلي ايه علي ايه حنبكي علي الماضي أحزاب وطلعت ع الفاضي في ايه حنبكي عليه
مش فارقة نتعلم خلاص ما هو جه سعادة البيه معدش يفيد دعانا عليه خلاص الحزن أهو معلم
بإيدنا حنسلم وأهو كله نفاق في نفاق وبكره شكله كله عذاب وادينا خلاص بنتألم
وعلي ايه دي عصابة مسكت من بدري والله مسكت من بدري والفقر حسيت بيه
وعلي ايه علي ايه حنبكي علي الماضي أحزاب وطلعت ع الفاضي في ايه حنبكي عليه

الرابعة: ضحكت..وبتحكي عن قصة شوباب منحرف دماغه مليانة صراصير راحوا فرح..فإتهطلوا لما شافوا واحدة بترقص صلصة..فبيفكروا إزاي يعكسوها خصوصا أن واحد منهم قعد يشتغل في صحابه ويفهمهم أنه عارف البنت دي من قبل كده

ضحكت يعني جامدة يا مان روح عاكس يلا وشيل الشال
يلا نضبط كلنا يلا ده احنا خلاص حيجيلنا جنان
ضحكت يعني جامدة يا مان روح عاكس يلا وشيل الشال
يلا نضبط كلنا يلا ده احنا خلاص حيجيلنا جنان
مستني ايه بعد الرقصة دي الرقصة دي طلعت صلصة
مش هي دي اللي أنت شاقطهاوشكلها يدي بنت حلال وشكلها يدي بنت حلال
ضحكت يعني راكبة معاك وموافقة تروح الشقة معاك
روح كلمها قوام يا خيبتها.. اطلبلها حجرين تفاح
مستني ايه بعد الرقصة دي الرقصة دي طلعت صلصة
مش هي دي اللي أنت شاقطهاوشكلها يدي بنت حلال وشكلها يدي بنت حلال
فيه حد يستني علي دي ولا أنت شايفها هنادي
شوفت أهي رقصت تاني
واه لو خفتوا حتبقوا عيال واه لو خفتوا حتبقوا عيال
أهي ضحكت يعني جامدة يا مان روح عاكس يلا وشيل الشال
يلا نضبط كلنا يلاده احنا خلاص حيجيلنا جنان

الخامسة:إعتزلت الكباب(إعتزلت الغرام لماجدة الرومي)..وبتحكي عن واحدة بتعاير طليقها البخيل وبتفكره بالايام السودة اللي عاشتها معاه بسبب بخله خصوصا أنها متجوزة دلوقتي من راجل مدلعها اخر دلع

شوف شوف يا طليقي شوف..اطمن فيا اسم الله عليا..جوزي جابلي خروف
شوف شوف يا طليقي شوف..اطمن فيا اسم الله عليا..جوزي جابلي خروف
لا بدي تراضيني ولا بدي تلاغيني طب فطرني طب عشيني و طب عشيني
لا بدي تراضيني ولا بدي تلاغيني طب فطرني طب عشيني و طب عشيني
انساني انساني.. انساني انساني ..أنا عندي خروف
شوف شوف يا طليقي شوف اطمن فيا اسم الله عليا..جوزي جابلي خروف
لا بدي تراضيني ولا بدي تلاغيني طب فطرني و طب عشيني طب عشيني
انساني انساني.. انساني انساني ..أنا عندي خروف
أنا اعتزلت الكباب اعتزلت الكباب يوم زواجنا جنني يوم زواجنا جنني أنا اعتزلت الكباب اعتزلت الكباب
أنا اعتزلت الكباب اعتزلت الكباب يوم زواجنا جنني يوم زواجنا جنني أنا اعتزلت الكباب اعتزلت الكباب
أنا كنت أحلم بالحمام عدسك راح يوجع حلقي ..يمكن محشي بتنجان هو اللي بينرفزني
أنا كنت أحلم بالحمام عدسك راح يوجع حلقي يمكن محشي بتنجان هو اللي بينرفزني
لا بدي تراضيني ولا بدي تلاغيني طب فطرني طب عشيني و طب عشيني
انساني انساني.. انساني انساني ..أنا عندي خرووووف

السادسة:شاطر للست نوسة عجرم ودي بتحكي علي لسان أحد الحنجوريين بتوع الجزيرة اللي مش عاجبه دور مصر في حرب غزة الأخيرة(ومحدش يسالني عن رأيي الشخصي عشان سبق وقلته)

شاطر شاطر
يا اللي بيسمع كلمة ليفني شو بنقوله شاطر شاطر
يا اللي بيهمل كلمة شعبه شو بنقوله فاجر فاجر
يا اللي بيسمع كلمة ليفني شو بنقوله شاطر شاطر
يا اللي بيهمل كلمة شعبه شو بنقوله فاجر فاجر
يا اللي بيخطب فينا بجهله وما بنرق بيوم علي قلبه ..بنلبه وبنظل نقوله فاجر فاجر
يا اللي بيخطب فينا بجهله وما بنرق بيوم علي قلبه بنلبه وبنظل نقوله فاجر فاجر
يا اللي بيعذب في إخواته شو بنقوله شاطر شاطر..يا اللي ما بيتعب أعدائه شو بنقوله شاطر شاطر
يا اللي قافلي دايما بابه شو بنقوله شاطر شاطر..وبيأكل في حقوق أولاده شو بنقوله شاطر شاطر
يا اللي بيخطب فينا بجهله وما بنرق بيوم علي قلبه بنلبه وبنظل نقوله فاجر فاجر
يا اللي بيسمع كلمة ليفني شو بنقوله شاطر شاطر
يا اللي بيهمل كلمة شعبه شو بنقوله فاجر فاجر
يا اللي بيعذب في إخواته وما بيتعب أعدائه بنلبه وبنظل نقوله فاجر فاجر

السابعة:المليونيرات لمدحت صالح وشريف منير في بداية التسعينات والأغنية ببساطة بتحكي عن واحد مزاجانجي حشاش مقضي الدنيا بالطول والعرض مع قرش الحشيش بتاعه

وأنا بحشيشي بعيش زي المليونيرات بشرب أيوة بعيش وده أحلي المزاجات
وأنا بحشيشي بعيش زي المليونيرات بشرب أيوة بعيش وده أحلي المزاجات
مجنون
وقولولي ده فين العقل ..العقل ده ليه بيعبي..ومزاجي ده شيء مش سهل..تتقدر تتكيف زيي
أنا أحب أسكر للصبح وعمري عمري ما أروح بدري
صعلوك سهران للصبح..ما هو كله يطلع قرفي
وبعاكس كل الخلق وببيع صاحبي من بدري
وأهي دنيا عاوزة الحرق ما تجيب كبريت وأنا حجري
أجي أتغدا مالاقييش..ما هو كله مزاجات
وأنا بحشيشي بعيش زي المليونيرات بشرب أيوة بعيش وده أحلي المزاجات
وأنا بحشيشي بعيش زي المليونيرات بشرب أيوة بعيش وده أحلي المزاجات
أنا عاوز قرش حشيش
أنا عاوز قرش حشيش
أنا عاوز قرش حشيييييش

الثامنة:مبقاش أنا وبتحكي عن سيدة تنحدر من اصول إجرامية لعائلة كبيرة تزوجت برجل عادي ولما زهق الرجل من تحكمها وإستبداد عائلتها..لم الفلوس اللي في الفيلا اللي كانت كاتبها بإسمه وطفش ،فهي دلوقتي بتهدده ومش عاوزة لسه تدخل اهلها في الموضوع

لو مرجعتش راكع تاني ليا هنا..لو معرفتش يا ابن الجزمة مين ان
الو مكتبتش أن الفيلا ليا أنا..مبقاش أنا
لو مفهمتش أنك جزمة أشيلها ف دولابي..وأني أبويا ده أصله كان أوسخ حرامي
وإنك مهما حاولت بهبلك تستعماني..مبقاش أنا
لو مرجعتش راكع تاني ليا هنا.. لو معرفتش يا ابن الجزمة مين انا
لو مكتبتش أن الفيلا ليا أنا..مبقاش أنا
لو مفهمتش أنك جزمة أشيلها ف دولابي..وأني أبويا ده أصله كان أوسخ حرامي
وإنك مهما حاولت بهبلك تستعماني..مبقاش أنا
لو مرجعتش بالفلوس اللي سرقتها ..لو مدفعتش تمن القهوة اللي شربتها
لو مطفحتش تمن اللقمة اللي أكلتها..مبقاش أنا
لو مرجعتش بالفلوس اللي سرقتها ..لو مدفعتش تمن القهوة اللي شربتها
لو مطفحتش تمن اللقمة اللي أكلتها..مبقاش أنا
أنا لو أهلي عرفوا حتقوم أكبر مشكلة..لو سألوني حعمل فيها مستهبلة
لو مرجعتش تحفي عشان ترجعلي أنا..مبقاش أنا
أنا لو أهلي عرفوا حتقوم أكبر مشكلة..لو سألوني حعمل فيها مستهبلة
لو مرجعتش تحفي عشان ترجعلي أنا..مبقاش أنا
لو مرجعتش راكع تاني ليا هنا..لو معرفتش يا ابن الجزمة مين انا
لو مكتبتش أن الفيلا ليا أنا..مبقاش أنا

التاسعة:ليالي الزملكاوية(ليالي الحلمية تتر بداية ونهاية بالإشتراك مع الزميل محمد الكومي)..وبتحكي عن الواقع المؤلم اللي بيمر به نادي الزمالك من شغل شلل بين اللاعيبة وأحكام القضاء والصراعات الشخصية بين الإدارات اللي وصلت النادي لهذا الحال ويا ريت مفيش زملكاوي يزعل من الأغنية لأني رزعت الأهلي اغنية في الالبون اللي فات بعد بطولة العالم في اليابان

ومنين بيجي الألم..من العيال الرمم
ومنين بيجي القفا..من اللعب جوه الدفا
ومنين بيجي السواد..من لاعيبة بهوات
ومنين بيجي الوبا..من محاكم القضا
من إنكسار الروح لشغل الشلل..يجي انهيار النادي في حالة عفن
واللي يقولك لازم يأخذ التار..يقعد جمهور محتار مليان شجن
ومنين بيجي الألم..من العيال الرمم
ومنين بيجي القفا..من اللعب جوه الدفا
ومنين بيجي السواد..من لاعيبة بهوات
ومنين بيجي الوبا..من محاكم القضا
ليه يا زمالك مسبتناش أبرياوواخدنا ليه في طريق ممنوش رجوع
في استاد بلدنا حتبدأ السخرية..ومش عاتقنا السيد المندوووه
ومنين بيجي الألم..من العيال الرمم
ومنين بيجي القفا..من اللعب جوه الدفا
ومنين بيجي السواد..من لاعيبة بهوات
ومنين بيجي الوبا..من محاكم القضا
حنروح نشجع في مين
دول لاعيبة تعبانين
حنروح نشجع في مين
في العيال الكتيانين
حنروح نشجع في مين
دول لاعيبة تعبانين
حنروح نشجع في مين
في العيال الكتيانين
قاعدين نشوف في خيبتنا ما احنا اتنسينا
يجيبولنا يعني مين يعلم علينا
ولسه يا اما أيامنا فيها دايما مساخر
وبكره كله حيضحك علييينا
حنروح نشجع في مين
دول لاعيبة تعبانين
حنروح نشجع في مين
في العيال الكتيانين

تم بحمد الله..وتعلن جحش فون عن إحتمالية توقفها لفترة ما مع وعد بأننا حنلف وحنطير وحنجيبلكم كل حاجة جديدة وغريبة ومثيرة من جميع أنحاء العالم..حتسالوني وايه هو السبب يا جلال..قصدي يا مايكل
حقولكم إلطمي يا إنشراح